Shillong Nailur 03: U SP ka East Khasi Hills District u bah Vivek Syiem hynne ka janmiet haba ia kren bad ki Nongthoh khubor u la iathuh ba ki Pulit hynne ka sngi ki la lem ia arngut ki dkhot ka KSU.
Kine ki arngut kiba ki Pulit ki la kem ki dei u Samla Samuel Kharbani General Secretary ka KSU Shillong Mihngi Circle ke bad u Samla Celectine Lyngdoh.
Hadien ka jingtohkit na ka liang ki Pulit ki la kem noh ia u GS ka KSU Shillong Mihngi Circle bad ia u Samla Celestine pat la pyllait noh.
U SP u la iathuh ba hadien ka jingtohkit ki la lap ba u Samla Celestine Lyngdoh um shym la don bynta ha ka Bike Rally ba la khot pynlong da ka KSU ha ka 19 Tarik u Nailar 2026. Katba ia u Samla Samuel Kharbani pat ki Pulit ki la kem noh.
Hadien kata ki Pulit ki la rah ia kine baroh arngut sha Civil Hospital ban leh ia ka Medical Checkup bad ia u Samla Kharbani ki Pulit ki la rah noh sha iingbishar.
Nalor kata, u la ong ruh ba ki la pyn ngat ïa u Samla Samuel Kharbani ha ki Kyndon bapher bapher.
