Shillong Nailar 18: Ka East Khasi hills Police hynne ka sngi ka la pynkup burom kyrpang ia ki pulit pyniaid kali ki ba la trei shitom bad ieng ha surok phra kynta ha u slap, ka sngi bad khlem ka jing khnium ha Police reserve Jail Road.
Haba kren ha kane ka sngi na ka liang u SP ka East Khasi Hills district u bah Vivek Syiem u la ong ka sien jam ba u SP Traffic u la leh ban pynkup burom ia ki pulit traffic bad ia ki Home Guard kiba don bynta ban pyniaid kali ka long kaei kaei kaba ai mynsiem ia ki wei pat.
U bah Vivek u la ong ba ki traffic ki la trei ia ka kam kaba eh bha, man la u wei pa u wei u ba sah kut ha ka dheng kali ki kren halor ki pulit pyniaid kali. Ki mat shibun ki jingshah kren la ka dei ha ki nongniah kali, ki paidbah, ka jingma kaba ki buh ia lade ban peit ba ki paidbah ki lah ban iaid bad ban pyntip sha ki wei ba ka don ka kali kit nongpang kaba ngi hap ban pyllait. Ka kam ka ba ki leh ka long haduh kata kata.
U SP u la ong ruh ba u sngewthuh haduh katno ki ophisar ki ba don duty ban pyniaid kali ki mat, ki don ki briew kiba tim ba tla, ki don ki briew kiba kam ba ki dei ki briew jong uta u ta , ki jingeh ki dei haduh kata kata, wad ha pdeng katne ki jingeh phi mat hynrei phi trei la ka kam khlem jingsalia.
U la bynrap ruh da kaba ong ba phi dei ka dur ba paw jong ki pulit ka jylla Meghalaya, ki pulit jong ka East Khasi hills lyngba ki kam kiba phi trei. U la ong ba ka tnat ka don ryngkat bad phi ha ki kam kiba phi leh na ka bynta ka imlang ka sahlang.
U la kyntu ia baroh ban ieng skhem haba ki pyntrei kam ia ki kyndon bad ki ain kiba ia dei bad ka jingpyniaid kali. U la ai khublei ruh ia u bah Samborlang Diengdoh bad u bah Anthony Nongkhlaw kiba na ka por sha ka por ki ju don ryngkat bad ka tnat ha ki bynta baroh bad lada ki paidbah ka jylla ki wan sha khmat ban iatreilang bad ki pulit shibun ki jingeh lah ban weng la ka dei ha ka jingiatakhuh kali, ne ki wei ki jingeh ki ba ia dei bad ka iaid ka ieng jong ki paidbah.
iqzegwzkzdpzrpmwfnmwmwwlsuofrs