Shillong Naitung 27: Ka kynhun State Disaster Response Force ryngkat ki nongshong shnong ka Shnongpdeng ki la ioh ban sei noh ia ka met jong uwei u rangbah na Shnongpdeng uba la ngam jyllop ha ka wah Umngot hynnin ka sngi.
Ka SDRF ryngkat ka jingiarap ki nongshong shnong ki la sdang ia ka jingwad ia utei u rangbah naduh ka por 9:30 mynstep da kaba pyndonkam da ka Rescue Inflatable Boat bad tyllai waiar bad lap bad ioh sei ia ka met ha ka por 4;30 janmiet.
Ia ka met la aiti noh sha ki bor ba dei peit na ka bynta ban pyndep ia baroh ki jingdonkam kat kum ka ain. Hadien ba la pyndep ia kane la aiti noh ia ka met sha kiba ha iing hasem.
