RAH NAM LAHDUH KA EAST KHASI HILLS HA KA STATE-LEVEL WUSHU CHAMPIONSHIP

Shillong Naitung 27:Ka East Khasi Hills District ka la long ka lahduh ha ka 23rd Meghalaya State-Level Wushu Championship–2026 kaba la poi sha kaba kut ha ka 25 tarik u Naitung 2026 ha Rajeev Wushu Hall, Assam Regimental Centre (ARC), Happy Valley, Shillong.
Ia kane ka lympung la pynlong da ka Meghalaya Wushu Association (MWA) ha kaba la wan shim bynta da kumba 300 ngut ki nongshim bynta kiba na kylleng ki district jong ka Jylla. Kane ka lympung ka long shi bynta ban pyni ia ki sap ialehkai ba kyrpang bad ban don ia ka mynsiem ialehkai khnang ba kin long kiba paw ha lawei ka ban wan.
Ha Kane ka lympung ka East Khasi Hills District kaba la bat ia ka nam lahudh ka la khur 300 point. Ka West Jaintia Hills ka la wan ba-ar ha kaba ka la khur 180 point bad i aka kyrdan balai la khur da ka East Jaintia Hills kaba la ioh 100 point.
Ha katei ka sngi pynkut la iadonlang u Bah Ian Lyngdoh, Vice President ka Meghalaya State Olympic Association (MSOA) kum u kongsan, ha ryngkat ka jingiadon lang u Lieutenant Colonel Gangte, Officer In-Charge ka Assam Regimental Centre (ARC) Wushu Node bad ka Boys Sports Company kum u symbud kongsan, ha ryngkst u Bah Donny R. Ranee, President ka Meghalaya Wushu Association, Bah Jerry F. Wankhar, General Secretary ka Meghalaya Wushu Association bad kiwei kiwei.