Shillong Jylliew 04: Ka Khasi Author’s Society mynta ka sngi palei ka la ioh ban iakynduh ia u Amit Shah uba la wan mynta ka sngi ha Shillong ban iakren bad u halor ka mat jingdawa jong ki ban pynrung noh ia ka ktien khasi ha ka khyrnit kaba phra.
Ha kane ka jingiakynduh ka seng ka la pynsgew ia ki jingdawa jong ki ha ryngkat ka jingai bad ki jingthoh.
U Dr DRL Nonglait President ka KAS u la iathuh ba ha kane ka jingiakynduh u Amit Shah u khlem ai ka jingkular ne ka jingpyntikna hynrei u la ong ba ka tnad ka la shim khia ia kane bad ong ruh ba ka ktien khasi kadei ka wei na ki jait ktien kaba kin sa peit bniah.
