Shillong Naitung 07: Ka Samla Aishwariya Malang na Khliehiongriang, Jowai kan sa ioh ban mihkhmat ia ka jylla ha ka Miss Teen Diva pageant kaba long ka thong ha ka jingim jong ka.
Haba kren sha ki lad pathai khubor ha Shillong Press Club ka Aishwariya ka la ong ba ka jingkyrshan bad ka jingai mynnsiem ki kmie ki kpa ka la pynlong ia ka ban nang shlur shuh shuh ban rung sha kane ka kam iakop thei bhabriew. Ka la iathuhh ba nyngkong ka don ka jingartatien ban rung sh akane ka jingiakop hynrei ki kmie ki kpa ki la pynshlur ia ka ba kan leh beit ia kaei kaba ka kwah bad pyntikna ba kin kyrshan ia ka.
Ka la ong ba ka jingshim bynta ha byn tyllii ki jingiakop ka la nag pynshlur bad pynskhem ia ka ba kan nang pynbha ia ka jinglong jong ka, bad ban nang shlur haba ieng ha ki rynsan. Lyngba kine ki jingiakop ba ka la ioh ban shim bynta ka sa lah ban iakop ha ki kyrdann hha ka ri da kaba ong ba ka jingshemphang jong ka ka la noh syniang shibun ha ka jingim jong ka shimet bad ha ka kam.
Ka Aishwariya ka la pynshlur ruh ia kiwei pat ki samla kiba don ka jingthnrang ban rung ha kane ka kam ba kin ngeit halade bad ban leh ia ki jingangnud jong ki da ka jingaiti lut. Ka la ong ruh ba ka jingkyrshan na iing kadei kaba kongsan tam ban ioh ia ka jingjop bad kyntu ia ki kmie ki kpa ba kin kyrshan ia ka jingkwah ki khun jong ki.
Ka Aishwariya ka la pan ka jingkyrshan na ki paidbbah ka jylla bad kan sa leit ban mihkhmat ia ka jylla ha ka grand finale jong ka Miss Teen Diva 2026, ka ban long ha Jaipur ha ka 11 tarik Naitung haduh 19 tarik naitung 2026 bad ka la pynpaw ka jingkyrmmen ba kan sa wanrah khusnam ruh sha ka jylla.
