Shillong Jylliew 22: Ki Pulit ka Anti-Narcotics Task Force (ANTF), Meghalaya ka la pynlong ïa ka jingkhynra ha Lumsurvey, Shillong ha ka 22 tarik Jylliew 2026 bad ka la lah kem noh ia ki nong die drok. Ha kane ka jingkhynra ki pulit ki la kem ia ar ngut kiba suba ba ki don ka jingïadei bad ka kam khaïi drok
Hadien ka jingkhynra katkum ki kyndon jong ka NDPS Act, ki pulit ki la kurup ia Kawei ka synduk sabon plastik kaba don u heroin uba khia kumba 16.1 gram bad Kawei ka mobile phone.
Kitei ki arngut kiba la suba kidei kiba la tip kyrteng kum ka Sabina Begum, 21 snem ka rta, kaba shong basah ha Lumsurvey, Shillong, bad ka nongshong ba pura jong ka 5th Mile, Samdhara, Sonitpur, Tezpur, Assam bad uwei pat uba la tip kim u Viru Singh, 40 snem ka rta, u ba shong ba sah ha Punjabi Line, Bara Bazar,
Ki pulit ki La register mukotduma hapoh ka NDPS Act ha Sadar Police Station, Shillong bad ka jingtohkit ka dang iaid sha khmat
Katkum ka jingpyntip u SP ka ANTF U Vikash Kumar la iathuh ba haduh mynta ha u snem 2026, la register 3 tylli ki mukotduma kiba ïadei bad ka khaïi be-aiñ ïa ki mar lane ka contraband trafficking na ka thaiñ Lumsurvey hapoh ka NDPS Act. Ha kine ki mukotduma, 7 ngut ki briew la ioh ban kem, bad kiba bun napdeng jong ki ki dei na Assam. La kurup ruh bun bha u heroin, lem bad bun bah ki vial bad syringe ba thylli.
Ka ANTF Meghalaya ka dang peitngor bha ïa ki kam be-aiñ ha ka thaiñ Lumsurvey bad ka kut jingmut ban leh da kaba tyngeh pyrshah ïa kino kino kiba don bynta ha ka khaïi drok bad kiwei pat ki kam pynkheiñ aiñ kiba ïadei bad u drug
