Shillong Jylliew 22: Ka Laban Presbyterian Higher Secondary School, Shillong ha ka 22 tarik u Jylliew 2026 ka la rakhe ia ka jing dap 185 snem ka jing wan poi u “Kpa Ki Dak Thoh Khasi”, u Rev. Thomas Jones sha ka Ri Khasi baieit jong ngi.
Kum ka dak jong ka jingkynmaw ieit bad leh burom ia u, ka skul ka la pynlong ia ka “Popular Talk” halor u Rev. Thomas Jones haba ka kongsan ha kane ka sngi ka dei ka Dr Ailynti Nongbri, Principal, Thomas Jones Synod College Jowai , kaba long ruh mynshuwa ka Associate Professor & Ex-HOD, Khasi, Shillong College ka lah long ruh ka Nongkren halor ka jinglong jingim jong une u riewkhraw pyrkhat. Ha kane ka sngi la ia don ryngkat da ki dkhot ka Managing Committee jong ka Skul, ka Principal, ka Vice Principal, Head Teacher, ki Nonghikai bad khamtam ki khynnah jong ka skul.
Ka Dr Ailynti Nongbri ha ka jingkren jong I la batai shaphang ka histori ka jing wan poi u Rev Thomas Jones ha ka 22 tarik Jylliew 1841 bad ka jingtrei jong u da kaba ka la ong ba u la wan ha ka dur jong ka “Mission with a Vision”. Ka la ban khia halor ka mat ba lada mangi ki jaitbynriew “Khynriam u Pnar u Bhoi u War “ngi sngew sarong halor ka jingiatylli jong ngi lyngba ka jing pyndonkam ia ki juh ki dak thoh ki jong ngi, ka burom ka leit sha u Thomas Jones. Ka la kyntu kynpham ruh ia ki nonghikai ba kin bud iaki nuksa kiba kynsai ki jong u ban hikai da ka jingieit bad ban Len ialade ha ki por ba donkam. Ka la pynpaw ruh ia ka jingithuh ka sorkar ia ka ktien khasi kum ka” Official Language” ha ka jylla Meghalaya ka burom baroh ka dei sha U Rev. Thomas Jones u ba la ai ia u dak thoh. Kala pynkut ia ka jingkren jong ka da ka ba ong ba u Thomas Jones u la bet ia u symbai u bym sep bad ka nong jong kata ka long Na ka jinglong rit u la kylla long u Akhia bad u la da kohnguh ia ka jingkynpham jong u Blei ba “U la jied ia u ban pynshai ia ki ri lum Khasi”.
Ha shuwa ia kane ka sngi, ka Skul ka la pynlong ia ka jing pyniakop kum ka “Poster Competition” bad thoh “Essay Competition” hapdeng ki khynnah skul halor ka phang pdeng “ Thomas Jones: U Nongialam Lynti sha ka jingnang jingstad”.
