Shillong Jylliew 16: U SP ka EKHD U bah Vivek Syiem, u la pyntip ba hadein ba la dep ban khlong biang ia ka met u Trophimos Khongmawdoh, uba la khlad noh halor ka jingkynnoh ba u shah bom ha u rangbah shnong ka Pynter bad ki Village Defence Party, ki pulit ki la ioh ia ka kaiphod jong ka post mortem hynrei kane ka kaipoh kaba ki ioh kam pat long pura.
U Bah Vivek u la pyntip ba ka kaiphod ka pynpaw ba ki don ki dak mong ha ka met jong u Trophimos, hynrei kim shym la dei kita ki dak mong kiba jur haduh ba un da khlad noh. shuh shuh u la pyntip ba kat kum ka kaiphod la iohi paw ba hapoh ki bynta ka kpoh u Trophimos ki don ki ba long kum ki kynja ba nep, u la ong ba lehse ioh ka lah ban dei kumba ki ong ba u bam ia iit .
U bah vivek u la ong ba na ka liang ki pulit ki dang ap ia ka kaiphod jong ka Toxicology bad ka wei pat ka test ia ki bynta kiba shapoh ka met, bad ynda la ioh ia ka kaiphod yn sa pyntip na kaei ka daw ba u la khlad noh , da kaba bynrap ba ka jingtohkit ka dang iaid sha khmat
