Shillong Jylliew 11: Ka Meghalaya Youth Congress Committee MYCC ka la pynlong ia ka Executive Commmittee ban iakren na ka bynta ban pynkhlain ia ka seng, ki mat ba kongsan kiba ktah ia ki samla ka jylla, bad ia ka jingiaid lynti ka seng ha ki bnai ban wan.
Ha kane ka jingialng la don ryngkat u nongpeit ia ka Indian Youth Congress (IYC) u Manish Sharma bad u Secretary IYC u Samrat Keshari Jena uba dei ruh u nongpeit ia ka Meghalaya ryngkat bad ki nongialam ka seng ha ka jylla bad ki nongkitkam.
Haba kren sha ki lad pathai khubor hadien ka jingialang, u Jena u la ong ba ka jingthmu ba hakhmat jong kane ka jingialang ka long na ka bynta ban pynkhlain ia ka party bad ban kyntiew shuh shuh ia ki rukom pyrkhat ka seng na ka bynta ki samla.
U la ong ba ka Meghalaya ka la mad ia bun ki jingeh, ba kynthup ia ka jingkyrduh kam, ki jingroi ki jingdih drok kaba la pynlong ia ka seng ki samla ka Congress ban peitbniah ia kane ka jinglong jingman ha ki kyrdan jong ki district bad ban thaw ia ki buit treikam ha ki bnai ban wan.
Haba kren halor ka jingthut ka jingpynlong ia ka exam NEET ba jia dang shen, u Jena u la ong ba 6 ngut ki samla pule ki la shim noh iala ka jingim bad u la kynthoh tyngeh ia ka sorkar namar ka jingsngap jar hallor kane. U la ong ba ym ki myntri ne u myntri rangbahduh ki ban leit sha ki bahaiing jong kine ki samla pule bad u la kyrpad ia ki nongialm ba kin leit ban jngoh ia ki. U Jena u la pyntikna ba ka seng kan ieng bad ki samla pule bad maham tyngeh lada kum kine ki jingjia kin jia biang hadien habud, ka seng ka dawa ruh ba u myntri ba dei khmih ia ka pule puthi udei ban hiar shuki
U President MYCC u Timjim Momin u la ong ba ia ka rukom synshar ha ka jylla la synshar da ka buit treikam ka BJP bad ka la pheil ban pynbeit ia ka jingeh ki samla.
