Shillong Naitung 06: Ka jingpynkup burom ia kiba wan rah ia ka nam ka burom ka long kum ka jingai mynsiem ia ki bad ia ki wei ba kin trei shitom.
U MLA ka North Shillong u bah Adelbert Nongrum ha ka janmiet jong ka 6 Tarik u Naitung u la pynkup burom ia Saw ngut ki ba la wan rah nam bad burom ia ka Jylla ha ki bynta kiba pher bapher. Kine ki Saw ngut kiba u MLA u pynkup burom ki kynthup ia u Samla Hebron C Nongrum uba la wan nyngkong na pdeng ki ST ha ka kyrdan kaba 93 ha ka General Category ha ka National Institution , ka Sanwaka Surong kaba dang shu dep ia ka Miss Meghalaya bad ka don ruh ka jingpynkhreh na ka bynta ka Miss Universe India kyrmen ba in shah jied bad mih khmat ia ka India sha ki wei ki ri ka pyrthei, u Graham Kharnarbi iba la rah ia ka thong ha ka 4th Arms Wrestling lada kiba biang ia ki dkhot met kim lah ban poi sha ka thong katno ka long ka jingsarong ia ka iing ka sem jong i bad ruh ia u Naason R Lyngkhoi iba la ioh ia ka kyrdan 8th position ha ka Commerce ha ka HSSLC.
Haba kren ha kane ka sngi u MLA ka North Shillong u la ong ba kane ka jing pynkup burom ka long shibynta ban ai mynsiem ia ki Samla, ha kaba kum u MLA u la iaid sha khmat ban pynkup burom ia ki samla kiba leh bha ha ki kam pule jong ki, ki Ba la Rangbah ka rta bad kito kiba wanrah nam bad burom ia ka Jylla ha ki kam ialehkai.
U bah Nongrum u la ong ba kane ka dei ka kamram ka jong u ban leh eiei ia ki samla kiba wan rah nam bad burom, u la kit bok kit rwiang na ka bynta jong ki. U la ong kane kam dei ban pynpaw nam ia lade hynrei ban long kiba iaid shah.
Bad kyrmen ba kane ka jinglah ka jong ki kan ai mynsiem ia ki samla.
U la ong na ka bynta u Graham un ai ia ka song pisa kaba 45 hajar, Sawanka 40 hajar, Neason ka Tablet ba in lah ban pyndonkam u Hebron ka song pisa kaba 50 hajar.
Haba kren ha kane ka sngi u Naason R Lyngkhoi u la pynpaw ia ka jingsngewnguh ia u MLA u bah Adelbert Nongrum ha kaba u la ong ba u thrang ban long u Charter accountant .
Na ka liang u Hebron haba kren ha kane ka sngi u la ai khublei ia baroh kiba la kyrshan ha ka Lynti kaba u iaid ban ai jingkyrshan ia u.
Na ka liang u Graham Kharnarbi u la pynpaw ia ka jingsngewnguh ia u Blei uba la don bynta lang ha ka lynti kaba u iaid.
Wat ka u don ka jingduna hynrei u Blei u iaid don ha syndah ban poi sha kane ka thong.
Jla ai khublei ia u MLA ka North Shillong uba la don bynta lang ban ai jingkyrshan ia u ha ka lynti kaba u iaid.
U la ong ruh ba nangne sha khmat un dang trei shitom ban wan rah nam bad burom ia ka Jylla hi baroh ka wei.
U la ong ba kum u MLA un iaid don bad ki ha ka lynti ba ki iaid bad ruh bad ka imlang ka sahlang.
